Yasamal rayon Heydər Əliyev Mərkəzində Azərbaycan Respublikası Uşaq Təşkilatının layihəsi olan Gənc Qarabağ Səfirləri kampaniyası çərçivəsində 31 mart-Azərbaycanlıların Soyqırımı Günü və 8 May-Şuşanın işğalı günü ilə əlaqədar keçirilən məktəblilərarası məqalə müsabiqəsinin yekun hesabat tədbiri keçirildi. Tədbirdə 2 ay (mart və aprel ayları) ərzində regionlar üzrə məktəblilərdən qəbul olunan 126 məqalə arasından seçilən 6 məqalə mükafatlandırıldı.
Konfrans Ulu Öndər Heydər Əliyevin büstünün ziyarəti ilə başladı.
Uşaqlar Azərbaycan xalqının Ümummilli Liderinin iş və həyat fəaliyyətini özündə əks etdirən sərgi ilə tanış oldular.
Ulu öndərin keçdiyi maraqlı və rəngarəng həyat yolu məktəblilərdə sonsuz maraq oyatdı. Qeyd edək ki, Heydər Əliyev şəxsiyyətinin dahiliyi, onun əvəzolunmazlığını sübut edən ən birinci fakt məhz odur ki, ulu öndər uşaqlara qarşı son dərəcə nəzakətli və mərhəmətli idi. O, uşaqları hədsiz sevir və onların hər birinə öz balası kimi münasibət bəsləyirdi. H. Əliyev uşaqların təhsilinə, onların savadlı və cəmiyyət üçün yaralı olmaları üçün hər şey edirdi. Ulu Öndər hər zaman “Uşaqlar bizim gələcəyimizdir” deyirdi və əgər bir dövlət öz gələcəyini işıqlı, parlaq görmək istəyirsə gərək uşaqla xüsusi diqqət yetirsin. Bu da Heydər Əliyev siyasətinin əsas yollarından biridir. O, kimsəsiz uşaqların da rahat həyat keçirmələri üçün çox işlər görüb. Bu məqsədlə o bir çox uşaqları dövlət hesabına xaricdə təhsil almalarına imkan yaradıb. Uşaqlar da hər biri onu doğma insanı kimi sevirdilər. Uşaqların heç bir tədbiri ulu öndərsiz keçmirdi. O, hər kəsin, uşaqların yaxın dostu idi.
Daha sonra dəyirmi masa ətrafında davam edən konfransda ulu öndər yad edildi. Respublika Uşaq Təşkilatının sədr müavini Ruxsarə Axundova keçirilən müsabiqə barədə ətraflı məlumat verdi.
Konfransda Gənc Qarabağ Səfirləri kampaniyası çərçivəsində 1 il ərzində görülən işlər haqqında məlumat verildi. Bildirildi ki, həm Bakı və Sumqayıt şəhərləri, həm də regionlar üzrə Gənc Qarabağ Səfirlərinin sıralarına 800-dən fəal çox məktəbli qoşulub.
Azərbaycan Respublikası Uşaq Təşkilatının nümayəndəsi Gənc Qarabağ Səfirlərinin saytı olan www.young-ambassadors.info və sosial şəbəkələrdə olan ünvanları haqqında məlumat verdi. (facebook, twitter səhifələri- Gənc Qarabağ Səfirləri).
Konfrasın yekununda məqalə müsabiqəsinin qalibləri olan Səməd Vurğun adına 4 saylı orta məktəbin şagirdi Musayeva Lamiyə Nizami qızına (I YER), Xətai rayonu M.Hacıyev adına 116 saylı orta məktəbin şagirdi Musayeva Sahilə Azər qızına (II YER), Sumqayıt şəhəri N.Tusi adına 12 saylı orta məktəbin şagirdi Əhmədova Nərmin Rəşid qızına (III YER) və həvəsləndirici olaraq 3 məktəbliyə-Suraxanı rayonu Ələkbərov Eyvazov adına 275 nömrəli orta məktəbin şagirdi Cavadzadə Günel Cəmaləddin qızına, Abşeron rayon M.Hüseynzadə adına 1 saylı Novxanı kənd orta məktəbinin şagirdləri Mikayılzadə Müzəffər Aydın oğluna, Qənizadə Firuzə Müqəddəs oğluna Fəxri fərman və hədiyyələr təqdim olundu.
Qeyd edək ki, adı çəkilən müəlliflərin məqalələri merkez.az informasiya agentliyində, arut.info, young-ambassadors.info internet ünvanlarında dərc olunacaq.
Elə tədbirdə növbəti müsabiqə barədə də məlumat verildi. Respublika Uşaq Təşkilatının sədr müavini Ruxsarə Axundova ulu öndər Heydər Əliyevin doğum gününə təsadüf edən yazı müsabiqəsinin nəticələrinin elan edildiyi bir vaxtdan artıq növbəti bir müsabiqəyə start verildiyini bildirdi: «Məktəblilərarası məqalə müsabiqəsinə yekun vuruldu. Növbəti müsabiqəyə isə ulu öndər Heydər Əliyevin doğum günündən etibarən start veriləcək. Və bu dəfə biz məktəblərarasında hekayə müsabiqəsinə start verəcəyik. Müsabiqə Ulu Öndərin xatirə gününə qədər davam edəcək. Bütün məktəblilər bu müsabiqədə iştirak etmək hüququna malikdir».

Cəvahir Səlimqızı

Tədbirdə Milli Məclisin rəhbərliyi, deputatlar, beynəlxalq təşkilatların Azərbaycandakı nümayəndələri, beynəlxalq ekspertlər, QHT rəhbərləri iştirak ediblər.
Milli Məclisin (MM) sədr müavini Bahar Muradova tədbirin əhəmiyyətindən danışaraq deyib ki, MM uşaqlara qarşı zorakılıq problemi ilə bağlı Avropa Şurası ilə əməkdaşlıq edir. O, Avropa Şurasının “Uşaqlara qarşı zorakılıq” proqramı çərçivəsində Azərbaycanda keçirilən tədbirlər haqqında da danışıb.
Avropa Şurasının (AŞ) “Uşaqlara qarşı zorakılıq” proqramının Azərbaycandakı parlament əlaqələndiricisi Sevinc Fətəliyeva bu proqrama dövlət tərəfindən 100 min manat ayrıldığını diqqətə çatdırıb. O, dünyada hər 5 uşaqdan birinin zorakılığa məruz qaldığını söyləyib və bu problemi doğuran səbəblərin aradan qaldırılmasının vacibliyini vurğulayıb.
Tədbirdə deputatlar Hadı Rəcəbli, Səməd Seyidov, Gülər Əhmədova, Fəzail İbrahimli, Daxili İşlər Nazirliyinin (DİN) Yetkinlik yaşına çatmayanlar arasında profilaktik işin təşkili şöbəsinin rəisi Kamal İmamverdiyev, Avropa Şurası baş katibinin Azərbaycandakı xüsusi nümayəndəsi Konstantin Yerokostopulos, ATƏT-in Bakı ofisinin nümayəndəsi Monika Martines, Ombudsman Aparatı, Ailə, Qadın və Uşaq və Problemləri üzrə Dövlət Komitəsinin əməkdaşları çıxış ediblər.

Millət vəkili Gülər Əhmədova çıxışında Azərbaycandakı internatlardan birinin işçisi haqqında sensasiyalı faktlardan bəhs edib. G. Əhmədova bildirib ki, internat evində çalışan şəxslərdən biri həmin internatdakı oğlan uşağına qarşı cinsi zorakılıq edib. Bu cinayətə görə sonradan həbs edilən həmin şəxs həbsdən çıxdıqdan sonra yenidən, başqa bir internatda işə düzəlib. İnternatın konkret ünvanını açıqlamayan G. Əhmədova bildirib ki, bu cür halların qarşısının alınması üçün müvafiq qanunvericilik aktlarına dəyişiklik edilməlidir: “Müvafiq dəyişikliklər edilməlidir ki, uşaqlara qarşı zorakılıq hallarına yol vermiş insanlar bir daha uşaqlara yaxın dura bilməsin, yəni onların internatlara çalışmasının qarşısı alınsın”.

Humay Mirzə-zadə
Konya. “Mərkəz”-in xüsusi müxbiri.

Aprelin 18-i günün ikinci yarısı TRT Çoçuk kanalının qonağı olan qrupumuz öz çıxışı ilə hər kəsin marağına səbəb oldu. Bununla bərabər, aprelin 19-u ARUT-ın balaca rəqqasları TRT Avaz- ın “Yeni gün” proqramında öz rəqsləri ilə iştirak etdilər.

Qeyd edək ki, artıq 34-sü keçirilən TRT Beynəlxalq Uşaq Festivalları bu il Konya şəhərində keçirilir və bu mərasimə dünyanın 42-i ölkəsi qatılıb.

Humay Mirzə-zadə
Konya. “Mərkəz”-in xüsusi müxbiri.

Günün ikinci yarısında isə şəhərin 4 fərqli yerində küçə göstəriləri təşkil olundu.
Planın davamı olaraq hər ölkəni təmsil edən nümayəndə heyəti Konya Valisinin qonağı oldu.

Qeyd edək ki, ölkəmizi Azərbaycan Respublikası Uşaq Təşkilatının rəqs qrupu olan “Səma” təmsil etdi. 10 nəfərlik heyətin iştirak etdiyi tədbirlərdə milli rəqslərimiz çox böyük maraqla qarşılandı. Türkiyə dövlət kanallarından canlı yayımlanan proqramlarda nümayəndə heyətimiz dəfələrcə öz çıxışları ilə dünya ölkələrinin diqqətini öz üzərinə topladı.

Humay Mirzə-zadə
Konya. “Mərkəz”-in xüsusi müxbiri.

Qeyd edək ki, sözü gedən film 2011-ci ildə martın 8-də Ağdam rayonu ərazisində erməni terrorçuları tərəfindən xaincəsinə qətlə yetirilmiş 9 yaşlı Fariz Bədəlovun xatirəsinə həsr olunub. Filmin ideya rəhbəri millət vəkili, Respublika Uşaq Təşkilatının sədri Gülər Əhmədova, ssenari müəllifi və rejissoru Zəminə Əliyevadır.

Milli Məclisin bir qrup deputatları, ölkənin tanınmış ictimai-siyasi xadimləri, jurnalistlər və QHT nümayəndələrinin qatıldığı mərasim ilk öncə filmin nümayişi ilə başlandı. Film Dağlıq Qarabağ münaqişəsi zamanı və atəşkəs dövründə cəbhə xətti bölgələrində erməni tərəfinin atəşkəsi pozması nəticəsində həlak olan azyaşlı uşaqlardan bəhs edir, erməni tərəfinin snayperlərinin uşaqları qətlə yetirməsi hadisələrinin ümumiləşdirilmiş süjetini özündə əks etdirib.

Film maraqlı süjet xəttinə malikdir. Belə ki, ekran işində eyni zamanda iki ananın – fransız və azərbaycanlı ananın fikirləri əks olunur. Hər iki ana körpələrinin dünyaya gəlməsindən, uşaqlıq çağlarından və tərbiyəsindən bəhs edir. Fransız ana öz övladını rahat şəraitdə, Avropada böyüdüb boya-başa çatdırdığı bir vaxtda onun azərbaycanlı həmkarı erməni gülləsinin qorxusu altında dünyaya uşaq gətirir və ona həyat verir. Tam fərqli şəraitdə dünyaya gələn, böyüyən uşaqların yaşadığı mühit də fərqlidir. Fransız uşaq firavan həyat sürdüyü vaxt 9 yaşlı Farizin həyatına qəfildən son qoyulur. Filmin əsas ideyası və süjet xətti də məhz bundan sonra başlayır. İki həmyaşıdı bir-birindən fərqləndirən cəhət də məhz bu nöqtədə tam olaraq canlanır. Müharibənin bəşəriyyətə vurduğu zərbələr çılpaqlığı ilə canlandırılır. Azərbaycanın uzun illər ərzində bu bəladan əziyyət çəkməsi bütün dünyaya mesaj olaraq çatdırılır.

Filmin təqdimatından sonra mərasimə toplaşanlar filmlə bağlı təəssüratlarını paylaşdılar.

Ekran işinin ideya rəhbəri Respublika Uşaq Təşkilatının sədri, millət vəkili Gülər Əhmədova belə bir filmin ərsəyə gəlməsinə görə ANS şirkətlər qurupuna, filmin ssenari müəllifi və rejissoruna, eləcə də Ağdam icra başçısına öz minnətdarlığını ifadə etdi. Filmin beynəlxalq auditoriya üçün nəzərdə tutulduğunu deyən millət vəkili elə buna görə də yaxın günlərdə «Ana haqqı»nın müxtəlif əcnəbi dillərə ARUT tərəfindən tərcümə ediləcəyini bildirdi. Və bu işdə köməklik üçün həmkarlarına üz tutdu: «Bu qətl təkcə azərbaycanlı balası olan Farizə deyil, bütün dünya uşaqlarına yönələn bir faciədir, qoy beynəlxalq aləmə yayılsın. Həmkarlarımdan bu işə kömək etmələrini xahiş edirəm. Çünki əgər bu qətllərin qarşısı alınmasa, zərbə gələcəyimiz olan uşaqlara dəyəcək. Həm də söhbət dünya uşaqlarından gedir».

Rəhbərlik etdiyi təşkilatın bu istiqamətdə nəinki ölkə daxili, habelə xaricdə də intensiv təbliğat apardığını bildirən Gülər Əhmədova “Uşaqları öldürməyin!” (Dont kill shildren)  beynəlxalq kampaniyasının məhz bu zərurətdən meydana gəldiyini də söylədi. Respublika Uşaq Təşkilatının ən son layihəsi olan “Gənc Qarabağ Səfirləri”nin cəbhə bölgəsində həlak olmuş uşaqlarının haqq səsinin dünyaya çatdırılmasında bir sıra tədbirlər həyata keçirdiyini söyləyən Gülər Əhmədova artıq beynəlxalq ictimaiyyətin, xüsusən də xaricdə fəaliyyət göstərən uşaq hüquqları təşkilatlarının onların haqq səsinə səs verdiyini də dilə gətirdi.

Ağdam rayonundan olan millət vəkili Bəxtiyar Əliyev belə bir filmin ərsəyə gəlməsinə görə ilk növbədə millət vəkili Gülər Əhmədovaya minnətdarlığını çatdırdı: «Gülər Əhmədova sağ olsun ki, faciəmizin dünya ictimaiyyətinə çatdırılması üçün belə təşəbbüslə çıxış edib və çox böyük iş görüb». Filmə baxarkən çox sarsıldığını deyən millət vəkili Azərbaycan xalqının yaşadığı faciənin insanlara çatdırılmasında «Ana haqqı»nı böyük əhəmiyyətə malik bir vasitə kimi dəyərləndirdi: «Azərbaycanlı uşağın bir erməni snayperi tərəfindən qətlə yetirilməsi təsadüf deyil. Hər şeyi adı ilə çağırmalıyıq; bəli, bu sadə bir qətl deyil, soyqırımdır. Bizim faciəmizlə bağlı çəkilən son filmlər, eləcə də «Ana haqqı» ekran işində ünvan açıq göstərilir. Bəli, açıq şəkildə Avropa ictimaiyyəti faciəmizə göz yumur. Minsk qrupu həmsədrləri hələ də xeyrimizə heç bir iş görməyiblər. Farizin qətlinin araşdırılması birbaşa onların üzərinə düşən məsuliyyətdir. Əgər onlar vaxtında tədbir görsəydilər Atəşkəs dövründə belə bir faciə baş verməzdi. Buna görə də ictimaiyyət haqq səsini ucaltmalı, bizsə Minsk qrupu qarşısında irədamizi ortaya qoymalıyıq. Onlar bizim Qarabağda yaşamaq hüququmuzu bərpa etməlidirlər. Bu filmdə yaşadığımız acılar bir daha onu göstərir ki, səbr kasamız daşıb. Mən Farizi qəhrəman kimi tanıyıram, çünki o, bu torpaqda şəhid olub»

Ağdam icra hakimiyyətinin məsul işçisi Amil Cavadov ağdamlılar adından filmin ideya rəhbəri millət vəkili Gülər Əhmədovaya minnətdarlığını çatdırdı: «Haqq səsimizin dünyaya çatdırılmasında bu film bir vasitədir. Bayram günü Farizin anası balasından gül almaq əvəzinə oğlunun cəsədini qan içində qucaqlayıb. Bu azərbaycanlı uşaqlarına qarşı tuşlanmış güllə idi. Sağ olsun millət vəkilimiz Gülər Əhmədovanı ki, belə taleyüklü missiyanı üzərinə götürüb və ortaya gözəl bir ekran işi çıxıb».

ANS şirkətlər qrupunun prezidenti Vahid Mustafayev də təssüratlarını paylaşarkən millət vəkili Gülər Əhmədovaya minnətdarlığını ifadə edib və bu cür filmlərin hələ çox çəkiləcəyini dilə gətirib: «Biz bu cür filmlərimizin çəkilişini davam etdirəcəyik. Nə vaxt Ali Baş Komandan hücum əmri versə, o zaman biz kameramızı yerə qoyub, silah götürəcəyik».

Fikirlərini göz yaşları içərisində ifadə edən millət vəkili Jalə Əliyeva belə bir filmin ərsəyə gəlməsinə görə başda millət vəkili, Respublika Uşaq təşkilatının sədri Gülər Əhmədovaya və yaradıcı heyətə təşəkkürlərini bildirdi: «Gülər Əhmədova qeyrətli xanımdır, həmişə taleyüklü məsələlərdə öz haqq səsini ucaldır. Bu filmin də ərsəyə gəlməsi onun xidmətidir»

Göz yaşlarını boğa bilməyən Fariz Bədəlovun nənəsi Məlahət Bədəlova onların ailəsinə hər zaman diqqət və qayğı göstərdiyinə görə, eləcə də nəvəsinin acı taleyindən bəhs edən belə bir filmə görə millət vəkili Gülər Əhmədovaya minnətdar olduğunu dedi: «Gülər Əhmədova kişi qeyrətli bir xanımdır və onun Fariz üçün elədiklərini ölənə qədər yadımdan çıxarmaram. Mən Farizin nənəsi kimi hər bir millət vəkilinə düşmən gülləşinə tuş gələn azərbaycanlı balalarına qarşı bu qədər diqqətli olmağı arzulayıram».

Cəvahir Səlimqızı

FOTO- Könül Süleymanlı

.